กโรหีติ ฯ ยถา มหาราช รญฺโญ โทวาริโก รญฺโญ หิตาหิตํ ชานาติ อิเม รญฺโญ
หิตา อิเม รญฺโญ อหิตา อิเม รญฺโญ อุปการา อิเม รญฺโญ อนุปการาติ ตโต อหิเต
อปเนติ หิเต อุปคฺคณฺหาติ อนุปกาเร อปเนติ อุปกาเร อุปคฺคณฺหาติ เอวเมว โข มหาราช
สติ อุปฺปชฺชมานา ธมฺมานํ คติโย สมนฺเทสติ อิเม ธมฺมา หิตา อิเม ธมฺมา อหิตา
อิเม ธมฺมา อุปการา อิเม ธมฺมา อนุปการาติ ตโต โยคาวจโร อหิเต ธมฺเม อปเนติ
หิเต ธมฺเม อุปคฺคณฺหาติ อนุปกาเร ธมฺเม อปเนติ อุปกาเร ธมฺเม อุปคฺคณฺหาติ เอวเมว
โข มหาราช อุปคฺคณฺหลกฺขณา สตีติ ฯ ภาสิตํ เจตํ มหาราชา ภควตา สตึ จ โข
อหํ ภิกฺขเว สพฺพตฺถิกํ วทามีติ ฯ กลฺโลสิ ภนฺเต นาคเสนาติ ฯ

สติลกฺขณปญฺโห ทฺวาทสฺม ฯ

ราชา อาห ภนฺเต นาคเสน กึลกฺขโณ สมาธีติ ฯ เถโร อาห ปมุขลกฺขโณ
มหาราช สมาธิ สพฺเพ กุสลา ธมฺมา สมาธิปมุขา โหนฺติ สมาธินินฺนา
สมาธิโปณา สมาธิปพฺภาราติ ฯ อุปมํ ภนฺเต กโรหีติ ฯ ยถา มหาราช กูฏาคารสฺส
ยากาจิ โคปาณสิโย สพฺพา ตา กูฏงฺคมา โหนฺติ กูฏนินฺทา กูฏโปณา กูฏสโมสรณา
กูฏปพฺภารา เอวเมว โข มหาราช สพฺเพ กุสลา ธมฺมา สมาธิปมุขา โหนฺติ สมาธิ
นินฺนา สมาธิโปณา สมาธิปพฺภารา โหนฺตีติ ฯ ภิยฺโย ภนฺเต อุปมํ กโรหีติ ฯ เถโร
อาห ยถา มหาราช โกจิ ราชา จตุรงฺคินิยา เสนาย สทฺธึ สงฺคามํ โอตเรยฺย สพฺพา
เสนา จ สพฺพา เสนาปตี จ หตฺถี อสฺสา รถานิ จ ปตฺติโย ตํปมุขา ภเวยฺยุํ ตํนินฺนา
ตํโปณา ตํปพฺภารา ตํเยว อนุปริยาเยยฺยุํ เอวเมว โข มหาราช สพฺเพ กุสลา ธมฺมา
สมาธิปมุขา โหนฺติ สมาธินินฺนา สมาธิโปณา สมาธิปพฺภารา เอวเมว โข มหาราช
ปมุขลกฺขโณ สมาธีติ ฯ ภาสิตํ เจตํ มหาราช ภควตา สมาธึ ภิกฺขเว ภาเวถ สมาธิโก
ภิกฺขุ ยถาภูตํ ปชานาตีติ ฯ กลฺโลสิ ภนฺเต นาคเสนาติ ฯ

สมาธิลกฺขณปญฺโห เตรสโม ฯ

ราชา อาห ภนฺเต นาคเสน กึลกฺขณา ปญฺญาติ ฯ เถโร อาห ปุพฺเพ
โข มหาราช มยา วุตฺตา เฉทนลกฺขณา ปญฺญาติ อปิจ โอภาสนลกฺขณา
ปญฺญาติ ฯ กถมฺภนฺเต โอภาสนลกฺขณา ปญฺญาติ ฯ ปญฺญา มหาราช อุปฺปชฺชมานา
อวิชฺชนฺธการํ วิธเมติ วิชฺโชภาสํ ชเนติ ญาณาโลกํ วิธํเสติ อริยสจฺจานิ ปากฏํ กโรติ

ตโต โยคาวจโร อนิจฺจนฺติ วาา ทุกฺขนฺติ วา อนตฺตาติ วา สมฺมปฺปญฺญาย
ปสฺสสตีติ ฯ อุปมํ ภนฺเต กโรหีติ ฯ ยถา มหาราช ปุริโส อนฺธกาเร เคเห ปทีปํ
ปเวเสยฺย ปวิฏฺโฐ ปทีโป อนฺธการํ วิธเมติ โอภาสํ ชเนติ อาโลกํ วิธํเสติ รูปานิ
ปากฏานิ กโรติ เอวเมว โข มหาราช ปญฺญา อุปฺปชฺชมานา อวิชฺชนฺธการํ วิธเมติ
วิชฺโชภาสํ ชเสติ ญาณาโลกํ วิธํเสติ อริยสจฺจานิ ปากฏานิ กโรติ ตโต โยคาวจโร อนิจฺจนฺติ
วา ทุกฺขนฺติ วาา อนตฺตาติ วา สมฺมปฺปญฺญาย ปสฺสติ เอวํ โข มหาราช โอภาสนลกฺขณา
ปญฺญาติ ฯ กลฺโลสิ ภนฺเต นาคเสนาติ ฯ

ปญฺญาลกฺขณปญฺโห จุทฺทสโม ฯ

ราชา อาห ภนฺเต นาคเสน อเม ธมฺมา นานาสนฺตา เอกํ อตฺถํ
อภินิปฺปาเทนฺตีติ ฯ เถโร อาห อาม มหาราช อิเม ธมฺมา นานาสนฺตา เอกํ อตฺถํ
อภินิปฺผาเทนฺติ กิเลเส หนนฺตีติ ฯ กถํ ภนฺเตน นาคเสน อิม ธมฺมา นานาสนฺตา
เอกํ อตฺถํ อภินิปฺผาเทนฺติ กิเลเสส หนนฺติ ฯ อุปมํ ภนฺเต กโรหีติ ฯ เถโร อาห
ยถา มหาราช เสนา นานาสนฺตา หตฺถี จ อสฺสา จ รถา จ ปตฺตี จ เอกํ สงฺคามํ
อภินิปฺผาเทนฺติ สงฺคาเม ปรเสนํ อภิวิชินนฺติ เอวเมว โข มหาราช อิเม ธมฺมา นานาสนฺตา
เอกํ อตฺถํ อภินิปฺผาเทนฺติ กิเลเส หนนฺตีติ ฯ กลฺโลสิ ภนฺเต นาคเสนาติ ฯ

นานาเอกกิจฺจกรณปญฺโห ปณฺณรสโม ฯ

ปฐโม วคฺโค ฯ